Tlawhtu Zat

Monday, August 1, 2011

Naupangte Hi

     Naupang enkawl hi thil harsa tak, thiam tawh leh pass tawh pawh awm thei lo, nu leh paah pawh inmawhchhiat tawnna thlen \hin a ni. Chutih rual chuan, naupangte hi min tihlimtu ber an ni si. Khawvel hi hremhmuna siam theitu leh vanrama chan theitu chu naupang te hi an ni. Chumi a nih avang chauh pawh chuan a enkawltute hian mawhphurhna an nei nasa khawp mai.
    Nu leh pa ten an chhuan ber chu an fate \ha taka lo seilian a nih rualin, a tilungngai bertu chu an fa tihmawh, awm \ha duh lote an ni leh lawi! Chutiang chu thil awmdan a nih avangin fa enkawl thiam inti nu leh pa an váng.     Nu leh pa leh fate inkarah hian generation gap hi a zau hle mai a lo ni. Tunlai naupang luhlul leh tihmawh tak tak te, kawhmawh bawl záwng hlira khawsa \henkhatte pawh hi ngun takin zawt chiang ta ila, an nu leh pa ten an khawvel an hriatthiampui loh luat vanga ‘hetiang’ ni hi an ni mai thei. An awmdan \ha lo chu hriatthiampui tur tihna lam ni lovin, awmdan \ha leh dik zirtir kawngah nu leh pa tam zawk hian zirtur kan ngah viaute pawh a ni maithei asin! Mihringte hi kan hriat rengnaa chám \hin zawng zawng zinga 80% hi kan mithmuh a\anga kan khâwlkhâwm a ni tiin mithiam ten an sawi \hin. Chuti a nih chuan kan fate hmuh tam ber thilte hi eng nge ni tih thu-hlaah ngaihtuahna sen a \ul a, an \han len chhoh zelna tura invenna \ha tak min petu atan pawh a hman theih mai thei?

Wednesday, February 23, 2011

KTP Day & Kan Branch Din Cham Lawmna

February 19, Inrinni khan thisen pek a ni a; February 21, Thawhtan zan khan Revival Hall-ah lawmna hun hman a ni a, a tuk February 22 zingah khan Biak In leh a vel tifaia hnatlan a ni bawk.
             Kan branch hi member 817 (CKTP-a report kan thehluh zat) vel kan ni a, member pum ngaihtuah chuan zing kar hnatlang hi kan tam lem lo hle.
Pic. thenkhat :
Thuchah : Tv. K. Vanlalhruaia, Asst. Secretary

Monday, February 21, 2011

Rev. Zolawma Message

Rev. Zolawma, KTP leader hmasa ber Rev. O.W. Owen (Pu Awna) fapa-in KTP Day puala thuchah tawi a sawi (Feb. 21, 2011)
video

BKTP - Kum 46

February 22, 1965-a din Bethlehem Branch Kristian Thalai Pawl chuan naktuk hian kum 46 a tling dawn ta. He branch-a member ni lai, member lo ni tawh leh hruaitu lo ni tawh zawng zawngte kan Lalpa Isua Krista hmingin Day chibai kan buk a che u.
Day lawmnan hian inrinni khan PC Hospital tan thisen unit 50 kan pe a, mipa 38 leh hmeichhia 12-in thisen hi an pe a ni. Zanin hian Revival Centenary Hall-ah lawmna hun hman a ni leh ang a, naktuk zingah Biak in leh a vel tifaiin kan hnatlang dawn bawk a ni

Wednesday, February 16, 2011

Pandal Ruhrel A Ding Ta

Nimin (Feb 15) nileng khan hnatlan a ni a, pandal ruhrel hi eng emaw zat dintir a ni a, vawiin lamah nileng hnatlang a awm chhunzawm leh a, hna hi kal chak zual tura ngaih a ni.
    Pandal hi Biak in kawt zawlah sak tur a ni a, College veng lam hawi zawngin main pandal a awm ang a, hei hi fellowship nana hman tura duan a ni. Revival hall chung lamah pawh pandal hi zar a ni bawk ang.