KTP Day & Kan Branch Din Cham Lawmna

February 19, Inrinni khan thisen pek a ni a; February 21, Thawhtan zan khan Revival Hall-ah lawmna hun hman a ni a, a tuk February 22 zingah khan Biak In leh a vel tifaia hnatlan a ni bawk.

             Kan branch hi member 817 (CKTP-a report kan thehluh zat) vel kan ni a, member pum ngaihtuah chuan zing kar hnatlang hi kan tam lem lo hle.

Pic. thenkhat :

Thuchah : Tv. K. Vanlalhruaia, Asst. Secretary

Rev. Zolawma Message

Rev. Zolawma, KTP leader hmasa ber Rev. O.W. Owen (Pu Awna) fapa-in KTP Day puala thuchah tawi a sawi (Feb. 21, 2011)

BKTP - Kum 46

February 22, 1965-a din Bethlehem Branch Kristian Thalai Pawl chuan naktuk hian kum 46 a tling dawn ta. He branch-a member ni lai, member lo ni tawh leh hruaitu lo ni tawh zawng zawngte kan Lalpa Isua Krista hmingin Day chibai kan buk a che u.

Day lawmnan hian inrinni khan PC Hospital tan thisen unit 50 kan pe a, mipa 38 leh hmeichhia 12-in thisen hi an pe a ni. Zanin hian Revival Centenary Hall-ah lawmna hun hman a ni leh ang a, naktuk zingah Biak in leh a vel tifaiin kan hnatlang dawn bawk a ni

Pandal Ruhrel A Ding Ta

Nimin (Feb 15) nileng khan hnatlan a ni a, pandal ruhrel hi eng emaw zat dintir a ni a, vawiin lamah nileng hnatlang a awm chhunzawm leh a, hna hi kal chak zual tura ngaih a ni.

    Pandal hi Biak in kawt zawlah sak tur a ni a, College veng lam hawi zawngin main pandal a awm ang a, hei hi fellowship nana hman tura duan a ni. Revival hall chung lamah pawh pandal hi zar a ni bawk ang.

CKTP ROREL INKHAWM (Update)

Nizan (Feb 14) inkhawm banah hla zir a ni a, hla zir ban khan pandal structure rem khawm tan a ni a, member eng emaw zat an hnatlang a ni.

    Vawiin nilengin hnatlang hi chhunzawm a ni leh dawn a, beisei anga hna hi a kal tluang a nih chuan tunkar tawpah hi chuan a ruh rel hi zo hman tura beisei a ni.
     Hmun hrana awm, kan member-pui zawng zawngte he Rorel Inkhawm kan thlen tur hi hlawhtling taka kan theln theihna turin tawngtaina lamah tan la turin kan insawm a ni

Hei Hi Bethlehem A Ni

Tun atanga hun rei lo te ah he blog hi pangngai taka kalpui tum a ni a, hmun hran awm kan member-ten in tangkaipui ngei kan beisei e